ഞാനൊരു പ്രവാസി
ജീവിതഭാരം ചുമലിലേന്തി
സ്വപ്നമോഹങ്ങളൊക്കെയും
ഉള്ളിലടച്ചു താഴിട്ടുപൂട്ടി
ആകാശക്കപ്പലിലേറി
യിവിടെയീ മണല്ക്കാടി -
ന്നുള്ളിലെരിയും കനലിന്റെ
നെറുകയിലൂടെയോരിത്തിരി
ദാഹജലം തേടിയലയും
വെറുമൊരു പാവം ..
ഞാനൊരു പ്രവാസി ..
കണ്ണുനീരുരുകും
ഹൃദയങ്ങള് പൊള്ളും
വേദനകളെല്ലാം ഒതുക്കു -
മെന്നുള്ളം നിറയെ
നഷ്ടലാഭത്തിന് കണക്കുകൂട്ടലുകള്
പിഴക്കുന്ന വേളയിലെന്നും
ആരും അറിയാതെ
തേങ്ങുമെന്നുള്ളം ..
ആരറിവൂ
എരിയുമീ നെഞ്ചിന്റെ
നൊമ്പരപ്പൂക്കള് ..
വാടാതെ മനവും
തളരാതെ തനുവും
ഇരുട്ടിലീ മെത്തയിലമരു -
മെന് വികാരങ്ങളും
ആരുമറിയാതെ ഞാന്
പൊഴിചീടുമീ
കണ്ണുനീര് കണങ്ങളും
എന്നും ബാക്കിയാവു -
ന്നോരെന് ജീവിത
ക്കണക്കുകള്ക്കുത്തരം
തേടി , തേടി ഞാന്
വീണ്ടുമീ
പൊള്ളുന്ന വെയിലി -
ലിന്നലയുന്നു വീണ്ടും..
ദൂരെ പടിഞ്ഞാറാഴിയില്
സൂര്യനസ്തമിക്കുമ്പോള്
ശോണവര്നാംബരങ്ങളില്
പറവകള് കൂടണയാന്
വെമ്പുമ്പോള്..
വെറുതെയെന് മനം
കൊതിക്കുന്നോരുവേള-
യെന്റെ കൂരയിലെത്തിടാന് ..
ഒരുമാത്ര പ്രിയമുള്ളവരെ
കണ്കുളിര്ക്കെ കാണുവാന് ..
ഒരു മൌനമായെന്
പ്രിയതമയെ പുല്കിടാന് ..
ചിറകുവിടര്ത്തുന്നോരെന്റെ
മക്കളെ മാറോടനക്കുവാന് ..
നിമിഷങ്ങലെന്നുമെന്
വൃദ്ധമാതാപിതാക്കള്തന്
കണ്ണുനീരൊപ്പുവാന് ..
ഉള്ളം വെറുതെ ..വെറുതേ..
കൊതിപ്പൂ...
ജീവിതക്കനക്കുപുസ്തകമൊ-
ന്നുന്ടെന് കരങ്ങളില്
ഒരിക്കലും തീരാത്ത
കണക്കുകള് ..
എത്ര കൂട്ടിയാലും കിഴിച്ചാലും
തീരാത്തോരെന്റെ
നഷ്ടത്തിന് കണക്കുകള്
മാത്രം ബാക്കിയുണ്ടിനിയും ..
നിദ്രാവിഹീനമായെത്ര -
യസ്വസ്ഥ രാത്രികള്..
ഉള്ളില് ഞെരിഞ്ഞമരും
വിഹ്വലതകള്..
ചോറ്റുപാത്രങ്ങളില്
പോഴിഞ്ഞുവീഴും
അശ്രുകണങ്ങളില്
കൈത്തലം തട്ടവേ..
ആരുമറിയാതെ
കണ്ണുനീരോപ്പുന്നു വീണ്ടും..
വീണ്ടും പോകേനമിനിയും
മണല്ക്കാടിനുള്ളിലോഴുകും
ജനമധ്യത്തിലറിയാതെ
ചേരണം ..
വീണ്ടുമീ ജീവിതക്കണക്കുകള്
കൂട്ടുവാന് ...
വീണ്ടുമീ ജീവിതക്കണക്കുകള്
കൂട്ടുവാന് ...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ