ഒരു കിനാവിൻ ഓരം ചേർന്നിരു-
കരം പിടിച്ച് നാമിരിക്കേ,
കണ്ടു നിൻ കണ്ണിൽ തോഴ,
ഞാനെൻ കിനാക്കളും, നിറങ്ങളും
നിറഭേദങ്ങളും....
ഇനിയും പൂർത്തിയാകേണ്ട
ചിത്രത്തിൻ , വരകളും
വരവർണ്ണഛായകളും!
നീയെൻ പ്രാണനിൽ
പ്രണയം നിറയ്ക്കും
ഓടക്കുഴൽ നാദം,
ഞാനതിൽ മയങ്ങും
പ്രണയ കല്ലോലിനീ യമുന!
നേർത്ത വരകളാൽ
ഞാൻ കോറിയിടും
ചിത്രത്തിൽ, നീയേകും
വർണ്ണങ്ങൾ, വർണ്ണഭാവങ്ങൾ ..
കാലയവനിക താഴുന്നു,
നാമിരുവരും വാക്കിൻ
ഇരുകരപറ്റി
മൌനത്തിൻ
വാചാലതയെ തേടുന്നു..
പറയുവാനേറെയുണ്ട്,
കേൾക്ക്നായി,
കഴിയാതാകുവോളം. ..
ഒരുവരിയുരിയാടാനാകാതെ
നാമിരുവരും
നമ്മളിൽ നോക്കിയിരിപ്പതെന്തേ. .
ഇനിയും പൂക്കുവാനായി,
ഒരായിരം വസന്തങ്ങളായി
അനാദിയാം പ്രണയമായ്,
പ്രണയതാളമായ്,
ജീവിതോർജ്ജമായി
നാമിരുവരും നമ്മെ
മറന്നീടുക. ..
വീണ്ടുമീ ജീവിതനടനം തുടരുക
യവനിക താഴുവോളം. ...
Picture courtesy :Google
