തേന്മാവ്
മധുരം കിനിയ്ക്കുന്ന
മാമ്പഴമായിരുന്നു
നിനക്കെന്റെ
ഭാവപ്പകര്ച്ചകള്
ആസ്വാദനത്തിന്റെ
മറുകര താണ്ടി
നീ നിന്നപ്പോള്
അഹങ്കരിച്ചുപോയിരുന്നോ ?
ഇന്ന് ഇത്തിക്കണ്ണികള്കേറി
വലിച്ചൂറ്റിയ
ഈ തടിയില്
ഒരു തേന് കനി
പൊഴിയ്ക്കാനായി മാത്രം
ഓരം ചേര്ന്ന് നില്പ്പുണ്ട്
ഈ തേന്മാവ് ..
അറിവില്ലായ്മ
ചരടുപൊട്ടി
പറന്നലഞ്ഞ്
ഒടുവില്
നിന്നില്
കൊരുത്തു
നിന്നപ്പോള്
ഞാനറിഞ്ഞിരുന്നില്ല
നീ വെറും
ഉണക്ക മരമായിരുന്നെന്ന് !
ഏതു നിമിഷവും
നിലം പൊത്തിയെക്കാവുന്ന
ഉണക്കമരം ..
നടത്തം
എനിയ്ക്ക് മുമ്പേ
നടന്നതും നീ
എനിയ്ക്ക് പിറകേ
നടന്നതും നീ
ഇപ്പോള് മുമ്പിലും
പിറകിലും
വശങ്ങളിലുമെല്ലാം
നീയുണ്ട് .
എന്തേ എന്റെ
ഉള്ളില് മാത്രം
നീയില്ലാതെ പോയത് ?
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ